Korporativ huquq

Darslik iqtisodiyotni rivojlantirish va erkinlashtirish sharoitida Oʻzbekiston Respublikasi korporativ huquqining asosiy qoidalariga bagʻishlangan. Mualliflar korporatsiyaning mohiyati, uning huquqiy tabiati va vazifasi, korporatsiyalar evolyutsiyasi masalalari hamda korporativ sohadagi asosiy huquqiy institutlarni ochib beradi. Tadbirkorlik faoliyatida ishtirok etuvchi korporatsiyalar va korporativ birlashmalarning turlari, korporatsiyalarni tashkil etish va tugatish, boshqaruv va nazorat organlari, korporativ hujjatlar, korporativ qimmatli qogʻozlar va dividend siyosati izchil koʻrib chiqiladi. Alohida boblar korporativ nizolar va korporativ munosabatlar ishtirokchilarining huquqlarini himoya qilishga, korporatsiyalar tomonidan tuziladigan ayrim turdagi bitimlarni huquqiy tartibga solish xususiyatlariga hamda korporativ huquqdagi javobgarlikka bagʻishlangan. Nashrda glossariy va foydalanilgan adabiyotlar roʻyxati keltirilgan. Darslik Oʻzbekiston Respublikasi Oliy va oʻrta maxsus taʼlim vazirligi tomonidan nashrga tavsiya etilgan boʻlib, yuridik oliy taʼlim muassasalari talabalari, korporativ huquq va boshqaruv sohasidagi amaliyotchilar hamda boshqa qiziquvchilarga moʻljallangan.