Xalqaro savdo huquqi

Darslikda xalqaro savdo huquqining nazariy va amaliy jihatlari bayon etilgan. Amaldagi normativ-huquqiy hujjatlar va ilmiy tadqiqotlar asosida, huquqni qoʻllash amaliyotiga tayangan holda xalqaro savdo va xalqaro savdo huquqining mohiyati, tashqi savdo faoliyati ishtirokchilari, Inkoterms 2010 atamalari hamda tovarlarni xalqaro oldi-sotdi shartnomasi, jumladan uning shakli, hisobga qoʻyilishi, qoʻllaniladigan huquq, 1980-yilgi Vena konvensiyasi va UNIDRUA tamoyillari yoritilgan. Alohida boblar franshizing, toʻlovlar (bank oʻtkazmasi, akkreditiv, inkasso, veksel, chek, faktoring, moliyaviy lizing), majburiyatlar bajarilishini taʼminlash, xalqaro savdodagi hujjatlar hamda nizolarni xalqaro tijorat arbitrajida hal qilish, shu jumladan arbitraj qarorlarini tan olish va ijro etishga bagʻishlangan. Nashrda xalqaro-huquqiy hujjatlar, xalqaro tashkilotlar hujjatlari va mavzular boʻyicha topshiriqlar keltirilgan. Qonunchilik 2019-yil 1-oktabr holatiga koʻra berilgan. Darslik oliy taʼlim muassasalari talabalari hamda tashqi iqtisodiy faoliyat bilan shugʻullanuvchi amaliyotchilarga moʻljallangan.