Erkin iqtisodiy zonalarning huquqiy maqomi

Toshkent davlat yuridik universiteti tomonidan nashr etilgan va Oʻzbekiston Respublikasi Oliy va oʻrta maxsus taʼlim vazirligi tomonidan tavsiya etilgan ushbu oʻquv qoʻllanmada erkin iqtisodiy zonalar faoliyatining xususiyatlari, ularni barpo etish maqsadi va sabablari, bu hududlarning jahon iqtisodiy munosabatlarida tutgan oʻrni yoritilgan. Muallif erkin iqtisodiy zona tushunchasi, vujudga kelish tarixi, asosiy turlari va tasnifi, huquqiy tartiboti, zona ishtirokchilarining huquqiy holati va ularga beriladigan imtiyozlarni tahlil qiladi. Mustaqil Davlatlar Hamdoʻstligi davlatlarida erkin iqtisodiy zonalarni tashkil etish amaliyoti, zonalarda tadbirkorlik faoliyatining huquqiy asoslari va qulay investitsiyaviy muhit yaratish masalalari ham koʻrib chiqilgan. Zonalar hududida tuziladigan investitsiya shartnomalari, eksport va import bitimlari hamda korporativ boshqaruvga oid qonunchilikni takomillashtirish masalalari ham oʻrganilgan. Qoʻllanma magistrantlar va keng kitobxonlar ommasiga moʻljallangan.